Lög um þjóðskrá
Þjóðskrá er haldin samkvæmt lögum um þjóðskrá og almannaskráningu, nr. 54/1962. Önnur löggjöf sem nær til þjóðskrár er t.d. lögheimilislög, lög um tilkynningar aðsetursskipta, vegabréfalög, mannanafnalög, lög um nafnskírteini, barnalög, lög um trúfélög, lög um kjör forseta Íslands, lög um kosningar til Alþingis og lög um sveitarstjórnarkosningar.
Önnur löggjöf sem nær til þjóðskrár er t.d. lögheimilislög, lög um tilkynningar aðsetursskipta, vegabréfalög, mannanafnalög, lög um nafnskírteini, barnalög, lög um trúfélög, lög um kjör forseta Íslands, lög um kosningar til Alþingis og lög um sveitarstjórnarkosningar.
Hvað er í þjóðskrá?
Í þjóðskrá eru m.a skráðar kennitölur manna (maka þeirra og barna), nöfn þeirra, kyn, hjúskaparstaða (makar, samvistarmakar, sambúðarmakar, ógift eða kvæntur), börn, lögheimili, aðsetur ef við á, póstfang, fæðingarstaður, ríkisfang, hvort menn vilji fá sendan markpóst, hvert sóknargjöld vegna trúfélaga eigi að renna o.fl. auk breytinga (breytingaskrá) sem verða á þessum atriðum og öðrum högum manna.
Þá er haldin sérstök skrá yfir alla sem látast og hafa verið í þjóðskrá (horfinnaskrá).
Þá er líka haldin sérstök skrá yfir erlenda ríkisborgara sem fá úthlutað kennitölu en eru ekki skráðir með lögheimili hér á landi (utangarðsskrá).
Skráning í þjóðskrá
Tekið er við tilkynningum fólks um búferlaflutninga, innanlands og milli landa, beiðnum um nafnbreytingar, nafngjafir barna og skráningu sambúðar. Ýmis vottorð eru gefin út hjá Þjóðskrá s.s. fæðingarvottorð, vottorð um hjúskaparstöðu, sambúðarskráningu, búsetu og staðfestingu á dánardegi.
Aðsetur Þjóðskrár Íslands
Borgartúni 21
Afgreiðslutími er kl. 9:00 til 16:00
Símatími er kl. 9:00 til 16:00
Aðalsímanúmer er 569 2900
Bréfasíminn er 569 2949