Frétt

Fjöldi þinglýstra kaupsamninga um fasteignir við sýslumannsembættin á höfuðborgarsvæðinu í febrúar 2010 var 186. Heildarvelta nam 5,8 milljörðum króna og meðalupphæð á hvern kaupsamning var 31,1 milljón króna. Viðskipti með eignir í fjölbýli námu 3,2 milljörðum, viðskipti með eignir í sérbýli 1,4 milljörðum og viðskipti með aðrar eignir 1,2 milljörðum króna.

Þegar febrúar 2010 er borinn saman við janúar 2010 fjölgar kaupsamningum um 18,5% og velta eykst um 27,5%. Í janúar 2010 var þinglýst 157 kaupsamningum, velta nam 4,5 milljörðum króna og meðalupphæð á hvern kaupsamning 28,9 milljónir króna.

Þegar febrúar 2010 er borinn saman við febrúar 2009 fjölgar kaupsamningum um 28,3% og velta eykst um 33,9%. Í febrúar 2009 var þinglýst 145 kaupsamningum, velta nam 4,3 milljörðum króna og meðalupphæð á hvern kaupsamning 29,8 milljónir króna.

Makaskiptasamningar voru 41 í febrúar 2010 eða 23,2% af öllum samningum. Í janúar 2010 voru makaskiptasamningar 35 eða 25,7% af öllum samningum. Í febrúar 2009 voru makaskiptasamningar 39 eða 31,2% af öllum samningum. Makaskiptasamningur er þegar hluti kaupverðs er greitt með annarri fasteign. Upplýsingar um makaskiptasamninga eiga eingöngu við um íbúðarhúsnæði.

Vakin er athygli á að meðalupphæð kaupsamnings er ekki hægt að túlka sem meðalverð eigna og þar með sem vísbendingu um verðþróun. Þetta er vegna þess að hver kaupsamningur getur verið um fleiri en eina eign auk þess sem eignir eru misstórar, misgamlar o.s.frv.

Tafla 1. Samanburður á janúar 2010 og febrúar 2010

	Janúar 2010		Febrúar 2010		Breyting
	Velta millj.kr.	Fjöldi kaupsamn.	Velta millj.kr.	Fjöldi kaupsamn.	Velta millj.kr.	Fjöldi kaupsamn.
Fjölbýli	2.407	113	3.183	147	32,2%	30,1%
Sérbýli	940	23	1.358	30	44,4%	30,4%
Aðrar eignir en íbúðarhúsnæði	1.188	21	1.244	9	4,7%	-57,1%
Samtals	4.536	157	5.785	186	27,5%	18,5%

Tafla 2. Samanburður á febrúar 2009 og febrúar 2010

	Febrúar 2009		Febrúar 2010		Breyting
	Velta millj.kr.	Fjöldi kaupsamn.	Velta millj.kr.	Fjöldi kaupsamn.	Velta millj.kr.	Fjöldi kaupsamn.
Fjölbýli	2.518	104	3.183	147	26,4%	41,3%
Sérbýli	819	22	1.358	30	65,9%	36,4%
Aðrar eignir en íbúðarhúsnæði	983	19	1.244	9	26,6%	-52,6%
Samtals	4.319	145	5.785	186	33,9%	28,3%

Tafla 3. Fjöldi makaskipta (ath. á bara við um íbúðarhúsnæði)

	Febrúar 2009	Janúar 2010	Febrúar 2010	Breyting milli ára	Breyting milli mánaða
Samningar	125	136	177	41,6%	30,1%
Makaskipti eða  lausafé	44	35	41	-6,8%	17,1%
Makaskipti	39	35	41	5,1%	17,1%
Lausafé	7	0	0	-	-
Hlutfall	31,2%	25,7%	23,2%	-	-

Smelltu hér til að skoða tímaraðir í Excel. Ef þú vilt ekki láta Excel opnast í vafranum, þá getur þú hægri smellt og valið „Save target/link as“ og fært skjalið niður á harða diskinn og opnað það síðan í Excel.

Öllum er heimil afnot af fréttinni og meðfylgjandi gögnum en vinsamlegast getið heimildar.